Gorące chuje, płonące pizdy
Below are the 10 most recent journal entries recorded in the "Маргінальны мудак" journal:[<< Previous 10 entries]
|
06:06 pm
[Link] | Нарэшце прарвала затык на пошце Ганконгу -- пасыпаліся пасылкі. Некаторыя давялося чакаць больш за два месяцы.
|
|
04:41 pm
[Link] | МТС такі абвесьціў кошты на свой даўгачаканы Ethernet для народа. Дарэчы, вельмі прывабныя.
Застаецца спадзявацца, што яны хуценька будуць разьвіваць пакрыцьце, балазе ўсе умовы дзеля гэтага ёсьць: добрая апорная сетка, грошы і досьвед узаемадзеяньня з дзяржворганамі. Хочацца верыць, што празь некаторы час я змагу выкінуць ADSL і ўрэшце атрымаць нармальную сувязь.
Дарэчы, у былыя часы некаторыя правайдары падцягвалі оптыку да буйных піянэрскіх сетак і раздавалі па ёй вельмі якасныя інтэрнэты. Калі не зважаць на надзейнасьць тагачасных апошніх міляў на сотнях сурэкомаў, усё выглядала цалкам прыстойна.
|
|
11:29 pm
[Link] | Параўнаў кошты на гарантаваны доступ для правайдараў ад мясцовага крывавага манапаліста Белтэлекам і украінскага амаль манапаліста Укртэлекам.
Для прыкладу: гарантаваныя 20Мбіт у нас каштуюць каля 500$, у іх жа атрымліваецца каля $1.1k.
Яно зразумела, што сабекошт інтэрнэту складаецца ня толькі з паласы, але парадак зразумелы.
І былі ж часы, калі ў Менску наземка каштавала даражэй за спадарожнік...
|
10:48 pm
[Link] | Стала цікава -- пашарсьціў інтэрнэты на прадмет іх коштаў для правайдараў.
Тарыфы на каналы з гарантаванай паласой ад Белтэлекама пераехалі сюды. Што сказаць, падаецца што ня дарагія яны ўжо -- будзе час і натхненьне, параўнаю з коштамі ў суседзяў.
Нечакана Дзелавая сетка выклала ў публічны доступ кошты на інтэрнэт па трафіку -- напэўна, невялікія правайдары накшталт легалізаваўшыхся піянэрнэтаў менавіта гэтак яго і закупаюць. Тры рублі за гігабайт дамінуючага накірунку, у адваротны бок задарма -- камунізм нейкі, хоць пры вялікай колькасьці кліентаў яўна таньней браць анлімны канал.
Пры ўсім гэтым сьвяце жыцьця асабліва дзіка выглядаюць некаторыя гаўнаправайдары накшталт ублюдачнага Атлант-тэлекаму, якія нават на самых тонкіх (але ня танных!) тарыфах жахліва зарубаюць хуткасьць пасьля перадачы пэўнага, адносна невялікага аб'ёму.
|
|
01:29 pm
[Link] |
Спадарожнікавыя навіны
Гонар айчыннага вяшчаньня на замежжа, тэлеканал Беларусь-ТВ(экспартны варыянт БТ), пачаў вяшчаньне зь эўрапамыйкі HotBird 13Е на адным транспондэры з парнухай, арабамі ды Эўрарадыё. Пішуць, што яны таксама вяшчаюць на ЗША з Galaxy 97W (дахлаваты спадарожнік, які там ніхто не прымае).
Калі адкінуць марнаваньне бюджэтных сродкаў, то яно радуе -- нават калі звалю адсюль нахер, буду мець мажлівасьць глядзець выступы Прэзідэнта, быць у курсе барацьбы з ураджаем ды не забываць морды айчынных прапагандонаў.
Сваякі распавядалі, што нейкі іх знаёмы, які з'ехаў у Заходнюю Эўропу, адмыслова паставіў талерку на 53Е -- да нядаўняга часу адзінага спадарожніка, адкуль гэты тэлеканал вяшчаў (сігнал запуляецца праз белтэлекамаўскі тэлепорт пад Смалявічамі -- пісаў пра гэта раней). Прагляды роднай тэлевізіі выкарыстоўвае як лекі супраць настальгіі і жаданьня вярнуцца.
|
|
09:03 pm
[Link] | Шаноўнае спадарства, апошнім часам да вас гаджэты з Ганконгу даходзяць нармальна?
Кудысьці падзеліся некалькі пасылак запар, пачынаю нэрвавацца. Прычым з Кітаю ўсё прыходзіць нармальна і ў час.
|
|
07:47 pm
[Link] |
Дзень Волі
Па старой завядзёнцы схадзіў на Акадэмію Навук.
Нягледзячы на шчыра паскуднае надвор'е і папярэднія меры, накіраваныя на запужваньне розных адмарозкаў, на месцы сабралася тысячы дзьве чалавек. Было ўсё як належыць: кампанія бабулек, якіх дзевяць гадоў бачу на кожнай акцыі ці міжсабойчыку, сьпявала песьні, невядомыя пісьменьнікі гандлявалі сваімі кнігамі, а нейкі фрык голасна заклікаў усіх далучацца да "беларасейскай імпэрыі". Хоць народ пераважна сумаваў, тусаваўся купкамі і за сваімі размовамі не зважаў на тое, што брэшуць у мацюгальнікі абрыдлыя партбосы.
Родная дзяржава гуляла ў дэмакратыю: месца правядзеньня было агароджанае турнікетамі, на праходах культурна даглядалі мэталашукальнікамі, усё было ціха-спакойна, хоць гэтага шчыра не чакаў.
А потым пад воклічы "Жыве Беларусь!" усе пайшлі на Бангалёр таптацца па какашках. А я пайшоў на піва.
|
|
10:45 pm
[Link] | Калі кату нехер рабіць, ён яйкі ліжа. Калі мянтам няма чым заняцца, яны пачынаюць разьвіваць бурную дзейнасьць дзеля самога факту дзейнасьці. Цікава, што ўдумаюць заўтра на Дні Волі?
24 сакавіка ў ДК МТЗ мусіў адбыцца канцэрт у падтрымку мінскага руху «Ежа замест бомбаў». Як паведамілі НН, канцэрт быў сарваны супрацоўнікамі міліцыі, якія затрымалі каля 50 чалавек (большасць прысутных), што прыйшлі на канцэрт.
Дармаеды, бляць.
UPD: Всего забрали 124 человека, если судить по разговорам сотрудников между собой. <- актуальная інфа акумулюецца тут.
UPD2: А вось і мажлівая прычына. Акуратна і незаўважна працуюць, хуле.
|
10:28 pm
[Link] |
Цацачная рэанімацыя
У гаспадарцы хапае цацак, якія віжжаць, рохкаюць, сьпявяюць ды мацюкаюцца. Калі батарэйкі пачалі паддыхаць, дэбільна-радасныя сьпевы пераўтварыліся ў пагрозьлівыя завываньні, музыка перастала трымаць рытм (напружаньне пад нагрузкай хутка падае), ды ўсё гэта пачало элемэнтарна глючыць.
Было прынятае валявое рашэньне рэанімацыі мэтадам замены батарэек. Дзеля гэтага трэба сабраць усё неабходнае:
* гадзіна вольнага часу,
* неабходная колькасьць батарэек AG13 з разліку "тры батарэйкі на адну цацку",
* жонка (бо сам шыць ня ўмею).
І наперад!
|
|
03:19 pm
[Link] | Спадарства, парайце інтэрнэт-краму дзіцячых тавараў.
Babyshop перастаў прадаваць ваду, ды й наогул брыдка туды заходзіць -- раздражняе ідыёцкая флэш-застаўка і дызайн з дэбільнымі сьлінявымі дзеткамі.
Тыя, што нагугліў, маюць пануры асартымэнт звычайнай кропкі ІПшніка на раённым кірмашы. Хачу, каб усё, ад пампэрсаў да дзіцячага харчаваньня, было ў адным месцы. Калі ваду дастаўляюць -- наогул выдатна. Ці ёсьць такі цуд, мо хто ведае?
Дзякуй.
|
[<< Previous 10 entries] |
|
![[info]](http://l-stat.livejournal.com/img/userinfo.gif?v=91.6){kind=small}
a_sad_one's journal